Aanya ne aankhein zor se bandh kar li. Deewar par dono parchaiyaan ek dusre mein ghul rahi thi… jaise andhera usey apne andar kheench raha ho.
“Yeh sach nahi hai… yeh sach nahi hai…” woh baar-baar khud se bol rahi thi
Par uski saanson ki raftaar tez hoti ja rahi thi. Tabhi… uske gardan ke bilkul paas thandi hawa ka ek jhonka mehsoos hua
Nahi… hawa nahi Saans. Aanya ka poora jism sunn pad gaya.
Woh dheere-dheere apni aankhein kholti hai. Room bilkul normal. Koi nahi.
Deewar par sirf ek hi parchai — uski apni. Aanya ne turant peeche mud kar dekha. Khali
“Bas… enough!”
Woh jhatke se uthi aur seedha darwaze ki taraf badhi.
Darwaza khola— Aur seedha kisi se takra gayi.
“Careful!” Kabir ne usse pakad liya
Aanya ek second ke liye uske bilkul kareeb aa gayi. Uska haath Aanya ke kandhe par tha… strong, warm… real
Pehli baar Aanya ko laga— koi hai jo sach mein exist karta hai.
“Tum theek ho?” Kabir ne dheere se poocha
Aanya ne haan mein sir hila diya… par uski aankhon mein darr abhi bhi tha
Kabir ne usey dhyan se dekha “Tumhari heartbeat abnormal hai,” woh halka sa muskuraaya, “kisi ne dara diya kya?”
Aanya kuch bol nahi paayi
Kabir ne dheere se kaha— “Yeh ghar… thoda ajeeb hai. Agar kuch feel ho, ignore mat karna”
Aanya ne uski taraf dekha “Tumhe bhi lagta hai yahan kuch hai?”
Kabir ne seedha jawab nahi diya Bas dheere se bola— “Har cheez dikhai nahi deti… par hoti zaroor hai”
Un dono ke beech ek ajeeb si khamoshi chha gayi. Kabir ne apna haath wapas le liya.
Par Aanya ko ab bhi uski garam ungliyon ka ehsaas ho raha tha. Jaise woh sparsh abhi bhi uski skin par zinda ho.
Tabhi… Kabir ki nazar dheere se Aanya ke peeche gayi. Uska chehra ek second ke liye serious ho gaya. “Tumhare room mein koi aur hai?”
Aanya ka dil ekdum se zor se dhadka “Matlab?”
Kabir ne dheere se kaha— “Abhi… mujhe laga kisi ne move kiya andar”
Aanya ne turant peeche mud kar dekha. Room bilkul khali.
Par… darwaze ke paas, floor par… ek lambi si kaali parchai faili hui thi. Jo dheere-dheere… Kabir ki taraf badh rahi thi Kabir ne bhi usey dekh liya. Usne aankhein sikodi. “Yeh… light ka angle nahi hai”
Aanya ka haath kaapne laga. Usne Kabir ka haath pakad liya
Kabir ne uski taraf dekha— Aur bina kuch kahe uska haath aur tight pakad liya
Par jaise hi un dono ki ungliyan ek dusre mein fasi— woh kaali parchai achanak ruk gayi. Ek second ke liye sab kuch freeze ho gaya.
Aur phir… woh parchai dheere se peeche hatne lagi. Jaise usse yeh pasand nahi aaya ho.
Jaise— usey Kabir ka Aanya ke itna kareeb aana bilkul bhi manzoor nahi tha
Write a comment ...