Room phir se normal lag raha tha… Par sirf dikhta normal tha.
Aanya ka dil ab bhi tez dhadak raha tha.
Kabir uske saamne khada tha… par unke beech ab ek ajeeb si doori aa chuki thi.
“Tumhe darr lag raha hai mujhse?” Kabir ne dheere se poocha.
Aanya ne turant sir hila diya— “Tumse nahi… usse…”
Kabir ne gehri saans li. “Phir usse jeetne mat do.”
Aanya ne uski taraf dekha. Uski aankhon mein sach mein himmat thi… par uske andar ka darr ab bhi kam nahi hua tha.
“Woh humein alag karna chahta hai…” Aanya ne dheere se kaha.
Kabir ne ek kadam aage badhaya. “Phir hum alag nahi honge.” Uski awaaz seedhi aur pakki thi.
Aanya kuch bol paati usse pehle— room ka darwaza achanak zor se band ho gaya.
BANG!
Dono ek saath palat kar dekhte hain. Handle apne aap hil raha tha. Jaise koi bahar se nahi… andar se rok raha ho.
Aanya ka gala sukh gaya. “Kabir…”
Kabir ne uska haath pakadne ki koshish ki— par is baar Aanya thodi si peeche hat gayi.
Uske dimaag mein abhi bhi woh awaaz goonj rahi thi— “Tumhe sirf main chhoo sakta hoon…”
Kabir ne uski aankhon mein woh hesitation dekh li. Aur uska chehra thoda sa badal gaya. Par usne kuch nahi kaha.
Tabhi… room ke kone mein andhera aur gahra hone laga. Deewar par saaya ubharne laga.
Is baar woh dheere nahi… tez badh raha tha. Jaise woh control kho raha ho. Aanya peeche hatne lagi.
Kabir uske saamne aa gaya. “Stay behind me.”
Saaya rukta nahi. Woh seedha Kabir ki taraf badhta hai.
Jaise— target change ho gaya ho. Kabir ne aankhein sikodi. “Achha… ab mujhse problem hai?”
Room ki hawa ekdum thandi ho gayi.
Aur phir— saaya achanak Kabir par jhapta. Light blink hui. Ek second ke liye sab kuch black.
Aur jab light wapas aayi— Kabir peeche deewar se takra chuka tha.
“Aah!” Uske muh se dard bhari awaaz nikli.
Aanya cheekh padi— “KABIR!”
Kabir ne apna shoulder pakda. Jaise kisi ne usey zor se dhakka diya ho. Par koi tha hi nahi.
“Main theek hoon…” woh mushkil se bola.
Par uski saansein tez ho gayi thi. Aanya daud kar uske paas aayi. Is baar usne bina soche uska haath pakad liya. “Tumhe chot lagi hai…”
Kabir ne uski taraf dekha. Un dono ke haath fir se ek dusre mein the.
Aur jaise hi— saaya phir se hil gaya. Is baar woh peeche nahi hata. Bas ruk gaya. Jaise woh decide kar raha ho.
Aanya ne dheere se Kabir ka haath aur tight pakda.
“Main tumhe kuch nahi hone dungi…” Uski awaaz kaap rahi thi.
Kabir halki si muskuraaya— “Tumhe khud ko bachana hai, Aanya.”
Par saaya ab bilkul paas aa chuka tha. Is baar woh un dono ko dekh raha tha. Jaise woh samajh gaya ho— Kabir ko hataana zaroori hai.
Aanya ke kaan ke paas phir woh thandi si presence aayi— aur is baar awaaz thodi zyada clear thi— “Usse door raho…”
Aanya ka jism kaanp gaya. Par is baar… usne Kabir ka haath nahi chhoda.
Saaya ek second ke liye bilkul still ho gaya.
Aur phir— room ke saare lights ek saath band ho gaye.
Complete darkness. Aur is andhere mein— sirf ek awaaz goonji— Kabir ki dard bhari cheekh.
To be continued....
Write a comment ...