Andhera itna gehra tha ki Aanya ko apni saans tak sunai de rahi thi.
Aur phir— Kabir ki cheekh. “AANYA…!”
Uski awaaz dard se bhari hui thi. Aanya ka dil jaise ruk gaya. “Kabir!” woh andhere mein haath failate hue boli.
Par usse sirf thandi hawa mehsoos ho rahi thi. Jaise koi uske aur Kabir ke beech khada ho.
“Usse chhod do!” Aanya ne zor se kaha.
Koi jawab nahi. Bas ek halki si sarsarahat. Aur phir— “Door raho…” Woh awaaz… ab pehle se zyada clear thi.
Aanya ka jism kaanp gaya. “Tum usey hurt nahi kar sakte!” woh cheekhi.
Ek second ke liye sab kuch bilkul chup ho gaya. Jaise koi uski baat sun raha ho.
Phir— kisi cheez ke zameen par girne ki awaaz. THUD.
“AANYA…” Kabir ki kamzor awaaz aayi.
Light achanak wapas aa gayi.
Aanya ne turant dekha— Kabir floor par gira hua tha. Uska haath uske seene par tha… saansein heavy. Aanya daud kar uske paas baithi. “Kabir! Tum theek ho?!”
Kabir ne mushkil se aankhein kholi. “Main… theek hoon…”
Par uska chehra dard se bhar chuka tha. Aanya ki aankhon mein aansu aa gaye. Usne turant uska sir apni god mein rakh liya. “Yeh sab meri wajah se ho raha hai…”
Kabir ne dheere se uska haath pakda. “Tumhari nahi…”
Usne saans li… “Uski wajah se.”
Aanya ne apne aansu pochhe. Uska dimaag ab confuse nahi tha— gussa tha.
“Woh chahta kya hai?” usne dheere se kaha.
Room ka temperature phir se gir gaya. Jaise us sawal ka jawab diya ja raha ho. Deewar par saaya dheere-dheere ubharne laga.
Is baar woh hil nahi raha tha. Bas khada tha. Aur dheere se— Aanya ki taraf jhuk raha tha.
Aanya ne uski taraf seedha dekha. Is baar usne nazar nahi hatayi.
“Tumhe kya chahiye?” usne seedha poocha.
Kabir ne uski taraf dekha— “Aanya, don’t…”
Par Aanya rukne wali nahi thi. “Bol!”
Room mein ek halki si vibration hui. Aur phir— woh awaaz uske dimaag ke andar goonji— “Tum.”
Aanya ka saans ruk gaya. Kabir ne turant uska haath pakda। “Sunna mat ise!”
Par Aanya ki aankhein saaye par tiki hui thi.
“Kyuki…?” usne dheere se poocha.
Aur phir— jawab aaya— “Tumne bulaya tha.”
Aanya ka dimaag ek second ke liye blank ho gaya.
Flashback.......
baarish… chhoti Aanya… andhera…
“Please… mujhe akela mat chhodo…” Uski apni hi awaaz goonji.
Aanya ka jism kaanp gaya. “Nahi… maine nahi…”
Kabir ne usse pakda— “Yeh tumhe manipulate kar raha hai!”
Par saaya aur kareeb aa gaya. Is baar woh bilkul saamne tha.
Aur uski presence itni strong thi ki Aanya ko lag raha tha— woh uske andar ghus raha hai.
“Main tumhe nahi chahti…” Aanya ne zor se kaha.
Ek second ke liye— saaya ruk gaya.
Room bilkul silent. Aur phir— temperature aur gir gaya. Jaise usse yeh jawab pasand nahi aaya ho.
Kabir ne dheere se Aanya ko apni taraf kheench liya. “Ab tumhe choose karna padega…”
Aanya ne uski taraf dekha. “Choose?”
Kabir ki awaaz heavy thi— “Ya to tum usse accept karo… ya phir usse hamesha ke liye khatam karo.”
Room ke kone mein saaya phir se hilne laga. Jaise woh wait kar raha ho— Aanya ke decision ka.
Aanya ke saamne ab do raaste the— Ek taraf Kabir… warm, real… par danger mein.
Dusri taraf— Benaam Saaya. jo usey kabhi chhodne wala nahi tha.
To be continued....
Write a comment ...