Kabir ab bhi floor par baitha hua tha. Uski saansein heavy thi. Aanya uske paas ghutno ke bal baithi thi, uska haath pakde hue.
"Kabir... please kuch bolo."
Kabir ne dheere se aankhein kholi. "Main theek hoon..." par uski awaaz weak thi.
Jhooth. Aanya samajh gayi thi. Saaya usse directly hurt nahi kar raha tha. Woh Kabir ko target kar raha tha. Kyuki Kabir Aanya ke kareeb tha.
Room ke kone mein andhera ab bhi maujood tha. Shaant. Chup. Jaise wait kar raha ho. Aanya dheere-dheere khadi hui. Kabir ne turant uska haath pakad liya.
"Mat jao." Uski awaaz mein pehli baar darr tha.
Aanya ka dil aur toot gaya. Par usne dheere se uska haath chhudaya.
"Agar main nahi gayi... to yeh tumhe maar dega."
Kabir ne turant mana kiya. "Nahi. Uski baat mat suno."
Par Aanya ab decision le chuki thi. Woh dheere-dheere us andhere ki taraf badhne lagi. Har kadam ke saath room aur thanda hota ja raha tha. Uski saansein visible hone lagi thi.
Aur phir... woh saaya uske bilkul saamne ubhar aaya. Lamba. Gehraa. Be-naam. Aanya ka dil zor se dhadak raha tha. Par is baar woh bhaagi nahi.
"Tumhe kya chahiye?" usne seedha poocha.
Khamoshi. Phir woh awaaz uske dimaag mein goonji—
"Tum."
Aanya ki aankhon mein aansu aa gaye. "Why me...?"
Saaya dheere se uske kareeb aaya. Itna kareeb ki uski thandi presence Aanya ki skin ko chhoo rahi thi.
"Kyuki tumne mujhe akela nahi chhoda tha."
Flashback
Chhoti Aanya. Andhera. Rona. Aur ek kone mein wahi saaya. Uske paas baitha hua. Jaise woh sach mein uska saath de raha ho.
Aanya ka sir dard se bhar gaya. "Mujhe kuch yaad kyon nahi..."
Kabir ki awaaz peeche se aayi— "Kyuki kuch yaadein trauma hoti hain."
Aanya ne mud kar dekha. Kabir mushkil se khada hua tha. Par woh phir bhi uske paas aane ki koshish kar raha tha.
Saaya instantly violent ho gaya. Room ki lights blink karne lagi. Walls par shadows hilne lagi.
"Door raho usse." Is baar awaaz gusse mein thi.
Kabir ne seedha saaye ki direction mein dekha. "Nahi."
Aanya shock mein uski taraf dekhti reh gayi. Kabir dheere-dheere uske paas aaya.
Saaya ka andhera floor par failne laga. Jaise woh Kabir ko rokna chahta ho. Par Kabir nahi ruka. Woh Aanya ke bilkul paas aakar khada ho gaya. Aur dheere se uska face apni taraf kiya.
"Usse deal mat karo. Yeh kabhi nahi rukega."
Aanya ki aankhon mein aansu bhar aaye. "Par tumhe kuch ho gaya to..."
Kabir ne halki si smile di. "At least tum akeli nahi rahogi."
Us pal mein Aanya ka dil ajeeb tareeke se dhadka. Fear ke beech bhi... Kabir uske liye safe place ban raha tha.
Aur shayad... Saaya ko yahi cheez sabse zyada nafrat thi.
Agla second. Room ka mirror achanak toot gaya.
CRASH!
Aanya darr kar Kabir se chipak gayi. Aur jaise hi woh uske kareeb aayi—Bpoora room ek second ke liye bilkul dark ho gaya. Complete black.
Phir... Aanya ne apne kaan ke paas ek thandi si awaaz mehsoos ki—
"Tum meri thi pehle."
Aanya ka jism sunn pad gaya. Aur jab light wapas aayi... Kabir ke neck par ek gehra scratch bana hua tha. Jaise kisi ne usey chetavni di ho.
Write a comment ...