Kabir ke neck par bana woh scratch dheere-dheere gehra hota ja raha tha.
Aanya ke haath kaanp gaye. "Oh my God... Kabir..."
Woh turant uske kareeb aayi aur uska face apni taraf kiya. Scratch bilkul fresh tha. Jaise kisi ne abhi-abhi nails se skin cheer di ho.
Kabir ne dard chhupane ki koshish ki. "It's fine."
"Fine?!" Aanya almost cheekh padi. "Tumhe hurt ho raha hai!"
Kabir ne uski aankhon mein dekha. Uski tension... uski fikr... Sab real tha. Aur shayad isi wajah se room phir se thanda hone laga.
Aanya ne instantly mehsoos kar liya. "Woh yahin hai..."
Lights halki si dim hui. Deewar par ek lambi si shadow ubharne lagi. Bilkul chup. Bilkul still. Par uski presence ab pehle se zyada heavy thi.
Kabir ne dheere se Aanya ko apne peeche kiya. "Bas. Bohot ho gaya."
Par saaya rukta nahi. Woh dheere-dheere aur kareeb aane laga.
Aanya ki heartbeat uncontrollably fast ho gayi.
Par is baar... darr ke saath kuch aur bhi tha. Ek ajeeb sa connection. Jaise us andhere ki presence uske andar kahin purani jagah ko chhoo rahi ho.
"Tum bhool gayi..."
Aanya ka saans atak gaya. Woh awaaz sirf uske dimaag mein thi.
Kabir ne notice kiya ki Aanya freeze ho gayi hai. "Aanya?"
Par Aanya ki nazar sirf saaye par thi. Usne dheere se ek kadam aage badhaya.
Kabir ne turant uska haath pakda. "Don't."
Par Aanya ne pehli baar uski baat ignore kar di. "Woh mujhe kuch batana chahta hai..."
Kabir ka expression instantly dark ho gaya. "Yeh manipulate kar raha hai tumhe."
Saaya ab bilkul saamne tha. Aanya uske itne kareeb pehli baar aayi thi. Thandi hawa uski skin ko chhoo rahi thi. Uska dil keh raha tha bhaag jao. Par kuch aur... usey wahi rukne ko keh raha tha.
Aur phir— Aanya ne dheere se apna haath uthaya.
"Kya kar rahi ho?!" Kabir ki awaaz tense ho gayi.
Par Aanya ruk nahi paayi. Uski ungliyan dheere-dheere us andhere ke kareeb gayi.
Aur jaise hi usne saaye ko touch kiya— poora room violently shake karne laga.
Flashback
Andhera. Barish. Chhoti Aanya ro rahi thi. Ek aadmi cheekh raha tha.
"Usse door reh!"
Phir... khoon. Floor par faila hua laal khoon.
Aanya ka saans ruk gaya. Aur us khoon ke beech— wahi saaya.
Chup-chaap khada hua. Chhoti Aanya uske paas jaakar baith gayi. Jaise woh usse darr nahi rahi thi. Jaise... woh usse jaanti thi.
Flashback end.
Aanya jhatke se reality mein wapas aayi. Uska haath ab bhi saaye ke andar tha. Haan... andar.
Jaise woh andhera solid nahi... zinda ho. Aanya ne darr kar haath peeche kheench liya.
Uski saansein toot rahi thi. "Maine... maine kya dekha...?"
Kabir turant uske paas aaya. "Tum theek ho?"
Par Aanya uski baat sun hi nahi rahi thi. Uski aankhon mein sirf woh flashback ghoom raha tha. Khoon. Cheekh. Aur saaya.
Kabir ne uske shoulders pakde. "Aanya. Look at me."
Aanya ne dheere se uski taraf dekha. Uski aankhon mein pure terror tha.
"Woh pehle se mere saath tha..."
Room ek second ke liye bilkul silent ho gaya.
Aur phir— saaya dheere se deewar par fail gaya. Jaise woh muskura raha ho.
"Ab yaad aa raha hai?"
Aanya ka jism kaanp gaya. Kabir ne turant usey apni taraf kheench liya.
Par is baar— Aanya ne pehli baar feel kiya... ki shayad Kabir aur Saaya ke beech, woh khud tootne wali hai.
Write a comment ...