Raat ke 3:11 AM.
Poora ghar khamosh tha. Sirf hawa ki halki awaaz... aur clock ki tik-tik.
Kabir couch par baitha hua tha. Uski aankhein band thi, par woh so nahi raha tha. Uska dhyaan baar-baar Aanya ke room ki taraf ja raha tha.
Aaj jo kuch hua tha... uske baad usey Aanya ko akela chhodne ka mann nahi ho raha tha.
Tabhi Aah... Ek halki si awaaz room ke andar se aayi. Kabir instantly alert ho gaya.
"Aanya?"
Koi jawab nahi. Par phir— ek aur awaaz. Is baar thodi loud. Jaise koi neend mein struggle kar raha ho.
Kabir turant uth kar Aanya ke room ki taraf gaya. Darwaza aadha khula hua tha. Aur andar ka scene dekhte hi... uska khoon jam gaya.
Aanya bed par baithi hui thi. Seedhi. Bilkul still. Uske baal uske face par gir rahe the. Aur sabse darawni baat— uski aankhein band thi.
"Kya..."
Kabir dheere se room ke andar aaya. "Aanya?"
Koi reaction nahi. Woh dheere-dheere uske kareeb gaya. Aanya ab bhi bilkul motionless thi. Jaise koi doll.
Kabir ne dheere se uska shoulder touch kiya.
"Aanya, wake up."
Agla second— Aanya ka head slowly uski taraf turn hua. Aankhein ab bhi band. Par uske lips dheere-dheere move hue—
"Woh tumhe pasand nahi karta."
Kabir freeze ho gaya. Ye Aanya ki awaaz thi... par tone nahi. Cold. Emotionless. Kabir dheere se peeche hata.
"Aanya..."
Aanya ka head aur tilt hua. Jaise koi uske through usse dekh raha ho.
"Tum use mujhse door kar rahe ho."
Room instantly freezing cold ho gaya. Kabir ka heartbeat fast ho gaya.
"Nikal ja usse," usne sakht tone mein kaha.
Aanya ke lips par ek unnatural smile aayi. Eyes still closed.
"Nahi."
Agla second— Aanya achanak bed se neeche utar gayi. Slowly. Jaise koi puppet move karta hai. Kabir peeche hata.
"Aanya, meri taraf dekho."
Par Aanya chalti rahi. Uski aankhein band thi... phir bhi woh seedha Kabir ki taraf aa rahi thi.
"Woh meri hai."
Kabir ka jaw tighten ho gaya.
"Nahi."
Aanya suddenly uske bilkul saamne ruk gayi. Aur dheere-dheere... usne apni aankhein khol di. Completely black.
Kabir ka saans atak gaya.
"Aanya—"
Usne turant Kabir ka throat pakad liya. Violently. Kabir deewar se takra gaya.
"Aanya!" woh struggle karte hue bola.
Par Aanya ki strength abnormal thi. Uski black aankhon mein koi emotion nahi tha. Sirf darkness.
"Tum use chheen nahi sakte."
Kabir mushkil se uske wrists pakadta hai.
"Aanya... fight it..."
Ek second ke liye Aanya ke expression mein pain flicker hua. Jaise woh andar kahin trapped ho.
"K... Kabir..."
Uski asli awaaz ek second ke liye bahar aayi. Kabir ne turant kaha
"Come back to me."
Aanya ka body violently shake hone laga. Uski aankhon ka blackness flicker hui.
Aur phir— woh achanak peeche hat gayi. Jaise kisi ne usey kheench liya ho. Aanya zameen par gir padi. Heavy breaths. Normal eyes. Confused.
"Kabir...?"
Usne darr kar uski neck dekhi. Red finger marks. Aanya ka chehra safed pad gaya.
"Ye... maine kiya?"
Kabir kuch seconds tak sirf usse dekhta raha. Phir dheere se uske paas baitha. "Nahi."
Aanya ki aankhon mein aansu bhar aaye.
"Jhooth mat bolo..."
Room ke kone mein andhera phir se hilta hai. Silent. Watching.
Aur is baar— Kabir ko pehli baar sach mein darr laga. Kyuki ab Saaya sirf Aanya ko haunt nahi kar raha tha. Woh uske andar ghus raha tha.
Write a comment ...